24.6 C
Volta Region
Monday, February 26, 2024
spot_img

NABCO Dɔwɔlawo Anye Gomekpɔla Gbatɔwo le Dziɖuɖu Dɔwɔƒewo

Dr. Samuel Kwadwo Frimpong, ame si nye aɖaŋuɖola ku ɖe ga-ɖoɖowo ŋu alo ‘Technical Advisor’ le Dukplɔla ƒe Kpeɖeŋutɔ ƒe dɔwɔƒea mea, ɖee gblɔ be ame siwo kata akpɔ mɔ awɔ dɔ le dziɖuɖu ƒe ɖoɖo yeye si wòhe ɖe go hena dɔwɔɖuia manɔanyi ŋutsitsi ŋu si woɖe ŋkɔ na kpuie be, NaBCO tea, woawoe akpɔ dɔ gbã nenye be mɔnukpɔkpɔ υu hena amexɔxɔ ɖe dziɖuɖu dɔwɔƒewo me.

Le eƒe nya nua, dɔwɔwɔ le NaBCO ɖoɖoa tea, ana nuteƒeƒekpɔkpɔ geɖe amewo alebe woateŋu atu ɖe edzi awɔ dɔ le teƒe bubuwo adodoe, ematae dziɖuɖu anawo dɔ nenye be mɔnu dze.

Ede dzesie be, nu ɖeka aɖe si wɔnɛ be godola le suku kɔkɔwo woame akpa gãtɔ meteŋu kpɔa dɔ enumake oa, nye be, nuteƒekpɔkpɔ si dɔtɔwo kpɔa mɔ naa, menɔa wosi o, si wòbe, NaBCO akpe ɖe gomekpɔlawo ŋu be, ema, naɖo wosi.

Dr. Frimpong he nya siawo ɖe go le eƒe nuƒo me le abɔtaƒoƒo wɔna aɖe na national service wɔlawo ɖoɖo te anyi le Ho nutoa me.

Eƒo nu tso NaBCO ɖoɖoa ŋu be enye ɖoɖoa aɖe si dzi dziɖuɖua ato ahatsi dɔmakpɔwɔ ƒe nya si dzi dem le Ghana dukɔ mea, ŋu. Ede dzesie be, ƒe sia ƒe, nenye be amewo wu suku kɔkɔwo ŋu he wɔ ƒe-ɖeka ƒe akpedada na dziɖuɖua (national service) vɔa, mama ɖe alafa dzi ewo koe kpɔa dɔ eye memama blaasiekɛ mamlɛawoa, tsia anyi heƒoa kpolokpolo na dɔwɔɖuiawo.

Dr. Frimpong, ame si nye aɖaŋudelawo le NaBCo ɖoɖoa dede tome ŋu wodometɔ ɖeka, be nudzɔdzɔ siawo tae wòhia be ɖoɖo sia nava ɖo eyata, amewo newɔ eŋuti dɔ kple susu be, womagatsi asi o.

Edoe ɖa ha be, amewo nagaɖo to nya aɖe siwo gblɔm amewo le tso ga home si woaxe na ɖoɖoa te nɔlawo la ŋuti o, ke boŋ woabu mɔnukpɔkpɔ siwo wòahe vɛ nawoa, ko ŋu.

Eŋlɔla: Bubune Bernice/voltaonlinegh.com

Volta Online
Volta Onlinehttps://voltaonlinegh.com
www.voltaonlinegh.com is an online portal or website that seeks to project the Volta region in the right way within the region, Ghana and the international community. The website’s main interest is to provide news and information on tourism, business and investment opportunities, personalities, entrepreneurship, sports and culture of the people. It also seeks to become the leader in branding the region appropriately by providing the right blend of video, audio, text, advertising, promotion and Public relations techniques. You can send stories, articles and contact us via mail; voltaonlinegh@gmail.com

Related Articles

LEAVE A REPLY

Please enter your comment!
Please enter your name here

Stay Connected

0FansLike
3,912FollowersFollow
0SubscribersSubscribe
- Advertisement -spot_img

Latest Articles