υɔnudrɔƒe aɖe sile Ho,de ɖekakpuie aɖe si woɖe ŋkɔ nabe Courage Dogbey amesi le eƒe ƒe blaeve vɔ ene lia mea mɔ ƒe eve sɔŋ kple dɔsesẽ wɔwɔ le Kuɖa si vayi gbe ɖe alesi wowɔ babla kple exɔ̃ aɖe eye woge fu na eƒe ahiãvia ta.
Dogbey, amesi nye υukula le Hoa lɔ̃ ɖe eƒe agɔdzedzea dzi hebia tsɔtsɔke tso υɔnudrɔla gbɔa gake eƒe kokoƒoƒoa meɖevi aɖeke nɛ o.
Ame evelia si hã υɔnu a de mɔ ƒe evea,ye nye Aƒetɔ Dieu Donne Mondale amesi xɔ ƒe blaene vɔ adre. Mondale ye nye amesi wode dɔa asina be woage fua eye eya hã lɔ̃ ɖe afɔɖeɖe madzi hedoa abi na funɔa togbɔ tsɔ aha kple atsike aɖewo nɛ be woano.
Togbɔbe eya hã ƒo koko ɖe eƒe agɔdzedzewo ta ha, υɔnua mexɔ ɖe edzi nɛ o
Sgt. Clever Ayayee, amesi nye DOVVSU kpovitɔ si nɔ ŋgɔ na nyaa, ɖeme na υɔnua be, nyɔvia na nyanya dada kuɖe eƒe fufɔfɔ ŋuti hede dzesie Dogbey be ye nye amesi do fua eye nyɔnuvia dada hã na nyanya Dogbey kuɖe fua ŋu. Esi funya nya ka tome nɛ koa ewɔ ɖoɖo ɖe eɖeɖe ŋu enumake.
Sgt. Ayayee yidzi be, Dogbey yi hevae wɔ babla kple Mondale amesi lɔ̃ be yeaɖe fu le Ghana cedi alafa ene xɔxɔ vɔ megbe eye Dogbey lɔ̃ ɖe dzi nɛ. Le Damɛ ƒe ŋkeke asiekɛa gbea, Mondale miasi funɔa eye wodo abi nɛ hetsɔ atike aɖewo hã nɛ be woano.
Le nufɔkea fuage le nyɔnuvia ŋu le eyime wonɔ nugodo enumakea υu deasi dodo le eŋu. Dada kplɔe yi ɖe Trafalga dɔyɔƒe gã me hena gbedada le eŋu, ɖetsɔleme tɔxɔe aɖe si dɔnɔdzikpɔlawo ɖe fiã yexɔe ɖe agbe.
Afimae dada vanya nu tso afɔɖeɖe madeamedzi ma ŋu le eye wokɔ todzi na kpovitɔwo hafi asi vadze hlɔ̃dola eve siawo dzi.
Eŋlɔla:Shelter Gakpey/Voltaonlinegh.com
