Muslimtɔ siwo le Ketu South nutoame ƒe Imam,Yussif Mussah ƒo koko na dziɖuɖua to Dukɔkplɔla ƒe kpeɖeŋutitɔ,Dr. Mahamudu Bawumia dzi hena ŋkuυuυui gbedoɖaƒe gã aɖe tutu mawo ɖe Aflao.

Le woƒe nyanua, gbedoɖaƒe gã ma tutu made yewo ɖeɖe dzi o, ke boŋ yewo nɔvi siwo atso Togo kple dukɔ bubuwo me ha,woateŋu akpɔ teƒe ahasubɔ kple yewo nenyebe wova nutoame.

Yussif Mussah  wɔ yɔyɔ sia le esime  dukɔplɔla ƒe kpeɖeŋutɔa ɖitsa geɖe wodzi kuɖe woƒe Ramadan ɖunyawo ŋuti abe eƒe tsaɖiɖi si wɔm wole le Amugã nutoame ƒe akpaɖe ene le Memliɖa si vayi gbe.

Eyidzi be yewo nɔvi siwo tso Togo,Benin,Nigeria kple teƒe bubuwo heva zu afima nɔlawoa, woawo hã kpoa gome le gbedodoɖa kple subɔsubɔ wɔnawo me le yewo gbɔ ta gbedoɖaƒea ƒe malomaloa mele yewo dzi dem o.

Ewɔ mɔnukpɔkpɔa ŋudɔ heƒo koko na dziɖuɖua bena woadze agbagba hena dɔwɔɖuia ƒe mɔnukpɔkpɔwo υuυu na sɔhɛawo le nutoame kplesusu be adzodada vivivo si dziyim le nutoamea ŋu natsi.

Dr. Bawumia le eƒe akpadzia, ɖe adzɔgbe hena yɔyɔ si wowɔa gbɔkpɔkpɔ. Ebe dziɖuɖua le azɔ̃li dzi sesiẽ hena dɔdeasiwo kple ŋgbedodowo dziwɔwɔ. Ebiatso sɔhɛwo si be woawo NABCO dɔwɔɖuia ƒe mɔnukpɔkpɔ si dziɖuɖua υu ɖia ŋudɔ be woade wodzi.

Dukɔkplɔla ƒe kpeɖeŋutɔa ɖeme be dziɖuɖu de Ghana cedi million alafa ɖeka sɔŋ Zongowo ƒe ŋgɔyiyi gakevi sinye: Zongo Development Fund si woυu ɖia, me hena zazã ɖe ŋgɔyiyidɔwo ŋuti ta ,madzidzi oa ŋgɔyiyidɔwo adzegɔme le Zongowo me le dukɔame kpeɖo.

Eŋlɔla:Shelter Gakpey/Voltaonlinegh.com