Bubutɔ Benjamin Kpodo, Sewɔƒemenɔla na  Ho Titina Ametsa-nutoa,  de abi anyigba ŋu hena ŋkuυuυui sukuxɔ, xɔ ɖeka xɔ ade aɖe tutu ɖe Tanyigbe le Ho nutoa me, le Fiɖa, dziŋu atɔlia  ƒe ŋkeke wuiɖekɛa gbe le ƒe sia me.

Sukuxɔ ƒe anyimanɔmanɔ nye nane si doa nuƒo na Tanyigbe Anyigbe gɔmedze Sukua si wɔe be, nufiafia kple nusɔsrɔ yia dzi  le nɔnɔme madeamedziwo me si nu gblem vevie le ɖeviawo ƒe dodokpɔmetsonuwo ŋu. Ke ame geɖe mɔ kpɔm be nenye be wowu xɔtutuawo ŋu la nuwo atrɔ ade ame dzi.

Sukuxɔ si woatu si ŋu sukutatɔ ƒe ɔfis, amedeƒe, agbalẽxlẽƒe kple suku-nuzazãwo dzraɖoƒe akpe ɖoa, ƒe home ade Ghana cedi 525,000 alebe LISIT Company Limited  dɔwɔƒeae akpɔ dɔa dzi eye mɔkpɔkpɔe nye be, dɔwɔna awu nu le ɣleti asiekɛ megbe.

Sewɔƒemenɔla de dzesie le eƒe gbedasi si wòna le wɔna me be, togbɔ be ye naa nu vevi geɖe sukuwo le nutoame hena woƒe nusɔsrɔ̃kple nufiafiãhã, woƒe dodokpɔmetsonuwo mele ame dzi dem o, si na be yeɖo be yeatu ŋkuυuυui sukuxɔ siawo tɔgbi be wòado ŋuse nufialawo kple sukuviwo be woagbugbɔ agblã ɖe woƒe dɔdeasiwo ŋu.

Eɖe eme be hafi agbalēsrɔnyawo natsɔ afɔ nyuie le nutoa mea, ehia be yewoatrɔ asi le sukuawo ƒe nuzazãwo ŋu woanye ŋkuυuυuitɔwo bena sukuviawo ƒe dzi nadze eme ɖe agbalẽsɔsrɔ̃ŋuti abe alesi wòle le dugãme sukuwo me ene.

Aƒetɔ Kpodo be yeƒe agbowo le υuυu ɖi na fiawo kple nufialawo sia be yewoade ŋugblẽ tso agbalẽsrɔnyawo tutuɖo ŋu le nutoa me. Eyi dzi heƒoe ɖe dzilawo ŋu be woawɔ woƒe dɔdasiwo nyuie be woviwo natsi azu ame-wɔnuteƒewo na dukɔa le etsɔ me.

Le Aƒetɔ Kpodo si  nye Tanyigbe vidzidzi ƒe wɔna me yiyi mea, fiawo, dumeviwo kple nufialawo do ɖe eŋυ le agbɔsɔsɔ me hedo dzaa nɛ.

Aƒetɔ John Teku, si xɔɖeasi dɔ wɔm abe Amugã Nutome Agbalẽsrɔnyawo Dzikpɔla enea,  nɔ wɔna teƒe abe amekpekpe tɔxɛe wodometɔ ɖeka ene.  Ekafu Aƒetɔ Kpodo vevie ɖe eƒe wɔƒe le agbalẽsrɔnyawo tutuɖo le nuto bliboa mea ŋuti.

Ebe sukuxɔ si tɔgbi tuge wolea, hia vevie elabe agado ŋuse nusɔsrɔ  kple nufiafia ɖe edzi alebe, eƒo koko na ame siwo tsɔ ɖe le eme na agbalẽsrɔnyawoa be woado alɔ̃ sukua kple agbalẽxexlẽwo kpe ɖe  nuhahiã bubuwo ŋu nenye be dɔa wu enu.

Eŋlɔla: Shelter Gakpey/voltaonlinegh.com