Volta Online
Ewe Ewe News

Adzodada Wɔnawo de Vɔvɔ Ho ‘Nursing’ Sukuviwo me  

Sukuvi  siwo hehe xɔm le Ho Nursing Training College si nye dɔnɔdzikpɔlawo heƒe sukua me le Ho, Amuga Nutoa ƒe toxɔdua mea, le vɔvɔ gã aɖe me ku ɖe adzodalawo ƒe fuɖename si dzi dem le kpoa dzi le ŋkeke siawo me ta.

Le  nyatakakawo nua, adzodada wɔna aɖe do mo ɖa le Ablaɖagbe fɔfɔme abe ga ɖeka kple afa ƒoƒo me ene le esime sukuviwo dometɔ ɖeka si le xɔ gbãtɔ me trɔ tso nusrɔƒe heɖo ta enɔƒe.

Nutsotso si ɖo voltaonlinegh.com gbɔa, de dzesie be sukuvi sia kpe fu le amemanyamanya aɖewo sime le eƒe tɔtrɔ yi edɔƒe alo hostel me.

Nu si dzɔe nye be, ameawo bia tso sukuvia si be wòaɖe asi le bagɛ si wòlé ɖe asi le gaƒoƒo ma mea, ŋu na yewo ke esi wògbe ta, woƒoe υuu vade asi na esime υu  nɔ dodom le eŋu. Ke le emegbea,  wokɔ nenem sukuvi sia yi Amuga nutome Dɔnɔkɔdzi be woatrɔ asi le eŋu.

Ke sukuvi bubu aɖe siwo ƒo nu kple voltaonlinegh.com ɖee gblɔ be adzodalawo ƒe nugbegblewɔwɔ le ŋkeke siawo mea zu taɖui na yewo.

Wodometɔ aɖewo ha gblɔ be tso esime dziɖuɖu trɔ yewo ƒe dzinukukui fetu vivi mawo alo allowance gbɔe na yewo koa, yewo de dzesie be adzodada wɔnawo dze fievododo tso ŋkeke yi ŋkeke.

Emekɔ be zi eneliae nye esi nudzɔdzɔ sia mo dom ɖa alebe, le nuƒo me kple sukua nunɔlawoa, woɖe eme be ɖoɖowo le tome hena kadodo kple kpovitowo le susu sia nu be sukuviwo ƒe nunɔamesiwo kple agbewo nanɔ dedie le sukukpoa dzi.

Eŋlɔla: Bernice Bubune/voltaonlinegh.com

Related posts

Agbledelawo ƒe Habɔbɔ Wɔ Ɖeɖefia Ku ɖe Amikuku le Keta ŊU

Volta Online

Wode Ame Eve Mɔ le Ho Ɖe Fu Gege ta

Volta Online

Ametsitsiwo ƒe Dɔmenyo Habɔbɔ Wɔ Lãmese Dodokpɔ na Amewo le Vakpo

Volta Online

Leave a Comment

%d bloggers like this: