Volta Online
Ewe Ewe News

Ametsitsiwo ƒe Dɔmenyo Habɔbɔ Wɔ Lãmese Dodokpɔ na Amewo le Vakpo

Shepherd Centre of Ageing si nye dɔmenyo habɔbɔ aɖe  le Amuga Nutoa me si menɔla geɖewo nye ametsitsiwo abe ƒe blaenyi mawo lɔƒo ene ƒe alɔdze si le Vakpo, North Dayi nutoa mea, wɔ Lãmese dodokpɔ na dumeviwo abe woƒe ƒe eve zaɖuɖu ƒe akpa aɖe ene.

Habɔbɔmetɔwo le Vakpo kple eƒe golɔguiwo me si  Torgbe Atikpli IV tso Ashantime, Adomi, nɔ ŋgɔ na, wɔ wɔna wodze gomekpɔlawo ŋu to nukokoe doname, glitoto, fefewɔwɔ kple biblia me dzodzrowo le wonɔewo domea, me.

Ke le wɔna mea, wokplɔ gomekpɔwo,  ametsitsiwo kple ɖeviwo sia, to nufiafia kple nuxlɔmenya siwo woatsɔ atu woƒe agbewo ɖo me.

Le dzeɖoɖo me kple voltaonlinegh.com ƒe nutsotsonala, Torgbe Atikpli IV  ɖe eme be habɔbɔa ƒe taɖodzinue nye be wòahe ɖekawɔwɔ kple dzidzɔkpɔkpɔ vɛ na ametsitsi ɖesiaɖe.

Ete gbe ɖe edzi be zi geɖea, amewo bua ametsitsi mawo adzetɔwoe si wɔnɛ be agbenɔnɔ sesẽna nawo yi  hea ahedada kple ku vana wodzie. Ke ebia tso amewo si be woagbe nu le ŋkɔ vlowo yɔyɔ ɖe woƒe ametsitsi ŋu kple nuwɔna bubu aɖe siwo medze o la, gbɔ.

Togbui Atikpli be habɔbɔ de lãmese dodokpɔ, lɔlɔnu fã nunana dɔnɔwo kple dume-dzadzraɖo wɔna geɖewo tome kpe ɖe tsaɖiɖi de modzakaɖeƒe vevi aɖewo tso esime habɔbɔa dze te le Vakpo.

Ke ebia tso ametsitsi kata kloe si be woage ɖe Shepherd’s Centre of Ageing habɔbɔa me  hena dzidzɔdodo ɖe woƒe agbewo ŋu le woƒe tsitsime ŋkekewo ŋu.

Eɖee gblɔ ha be, habɔbɔa ɖo tame kplikpa be yeatu ŋkuυuυui modzakaɖeƒe aɖe ɖe North Dayi Nutoa me alebe, edoe ɖe amedɔɖulawo gbɔ be woana kpekpeɖeŋu aɖewo habɔbɔa kple susu be, drɔekuku ma nateŋu ava eme na habɔbɔa.

Shepherd’s Centre of Ageing habɔbɔa  ƒe alɔdzewo de blaeve kple edzivɔwo le Amuga Nutoa me kpe ɖo alebe, emenɔlawo tso sɔlehawo vovowo me abe, Roman Catholic, RC, Nyanyui hamea alo Evangelical Presbyterian Church, Apostles Revelation Society (ARS) kple bubuawo.

By: Bernice Bubune/voltaonlinegh.com

Related posts

Wotsɔ Geɖemania Nyɔnudɔmenyotɔ Aɖe Ɖo  Fiae Le Vakpo Domi.

voltaonlinegh

Sonrise Christian SHS Wɔ Dodo le Suku Kɔnu  na   Suku Nuwulawo

voltaonlinegh

Dukɔkplɔla ƒe Kpeɖeŋtɔ Dze Ramadan Tsaɖiɖi gɔme Le Amuga Nutoa me

voltaonlinegh

Leave a Comment

%d bloggers like this: