Volta Online
Ewe Ewe News

Wotsɔ Geɖemania Nyɔnudɔmenyotɔ Aɖe Ɖo  Fiae Le Vakpo Domi.

Fiawo kple dumevi siwo le Vakpo Domi sile North Dayi nutoamea tsɔ Geɖemania nyɔnudomenyotɔ aɖe si woɖe ŋkɔ nabe Josephine Anne Kellner ,tsɔ ɖo nutoame ƒe ŋgɔyiyi nyɔnufia gbãtɔe  le azã tɔxɛe aɖe  me. Woɖu azã sia abe akpedadzesi ene na Geɖemania nyɔnua ɖe wɔƒe vevie si wole le nutoame ƒe agbalẽsrɔ̃nyawo gomea ta.

Nutoame ametsitsi wodometɔ ɖeka Aƒetɔ John Abioni kafu aƒenɔa ɖe eƒe wɔƒe le nutoame ƒe agbalẽsrɔ̃nyawo ƒe afɔtsɔtsɔ ta. Eɖeme be yexɔ̃ aɖee kplɔ Geɖemania nyɔnu ma va duame le ƒe akpe eve kple wuiadẽa me hena ɖokuitsɔtsɔ sã vɔe nufiãfiã dɔwɔwɔ.

Ebe esi aƒenɔa dze dɔa gɔmea eteƒe medzidzi boo hafi woyi ɖa kplɔ edzilawo kple nɔvia ŋutsu ɖeka vɛ hena dɔa dziyiyi o.

Aƒetɔ Abioni de dzesie hã be dɔmenyotɔ siawo ƒe vava nabe nusɔsrɔ̃ kple nufiafiã ƒe dɔwɔnuwo womega nye kuxi le sukua me o. Ebe togbɔbe dziɖuɖu ƒe ŋdɔme nuɖuɖu nana sukuviwo ƒe ɖoɖoa meɖo yewogbɔ o hã dɔmenyo tɔmawo wɔ ɖoɖo ɖe sukuviawo ƒe nuɖuɖu ŋuti le Adomi Newtown gɔmedzesukua me.

Tɔgbui Dobo Atɔlia, amesi nye nutoame fia, eƒotsi abɔme na dɔmenyotɔmawo veviẽ, ebe woƒe wɔnawo nabe tsitsiɖedzi  geɖe va nutoame ƒe agbalẽsrɔ̃nyawo me.

Eyidzi heɖokpe dzi nawo be yewoa wɔ nusianu hena woƒe dedienɔnɔ le afima.

Eŋlɔla: Shelter Gakpey/Voltaonlinegh.com

Related posts

Ketu  Muslimtɔwo Bia Dziɖuɖua Hena Gbedoɖaƒe Yeye

Volta Online

Table Tennis Assoc. scouts for Players to Represent Volta at National Sports Festival

Volta Online

Woɖo Kpe Oti Nutome Xɔxɔ Dzi Kple Kpekpe Gã Aɖe Le Jasikan

Volta Online

Leave a Comment

%d bloggers like this: