Volta Online
Ewe Ewe News

Adaklutɔwo Kpɔ Gome Le Lãmesẽ Dodokpɔ  Me

Rowan Univɛsiti sinye sukukɔkɔ aɖe le Ameɖika  dukɔmea ƒe nusrɔ̃lawo wɔ lãmesẽdodokpɔ femaxɛe aɖe na dumevi siwo le Adaklu Xlekpe le Adaklu nutoame .

Dɔwɔha nɔɖokuisi aɖe si woɖe ŋkɔ nabe Blue Med Afrika si tsɔɖele lãmesẽmenɔnyawo mea, ye nɔ ŋgɔ na wɔna bliboa. Nusrɔ̃la blaeve siwo xɔ kpekpeɖeŋu tso Adaklu nutome lãmesẽnyawo dɔdzikpɔƒea, woe wɔ dodokpɔ na dumeviwo abe alafa etɔ̃ sɔŋ ene.

Dodokpɔ si wowɔa lɔ dɔlele aɖewo abe υusɔgbɔdɔ, suklidɔ, HIV,ŋku ƒe fuɖename kple bubu aɖewo enea ɖeme eye  wona atsike amesiwo ƒe dɔa mesẽnu o ke woɖo ame aɖewhã ɖe dɔyɔƒe bubuwo me.

Aƒetɔ Aikins Aklaku, amesi nye Blue Med Afrika ɖoɖoa ƒe akametsi wodometɔ ɖeka ɖeme be,  ƒe sia ƒee wɔna ma yiadzi eye yewo xɔa alɔdodo tso Ameɖika kple Europe ɖokuitsɔsãvɔe dɔwɔla aɖewo gbɔ. Ebe yewo ƒe taɖodzinu veviẽ ɖekae nye dumevi siwo le duviwo mea ƒe lãmesẽmenɔnyawo tutuɖo elabe yewo va kpɔe de dzesie be, wodometɔ geɖe menya nu tso dɔlekui siwo le woƒe lãmea ŋuti o, kehã kɔdzidefemaxi gbalẽa hã mele wodometɔ geɖe si o.

Aƒetɔ Aklaku yidzi be Ghana cedi akpe wuiatɔ̃ ye nye ga si yewo ka ɖe dɔwɔwɔ ŋu le ƒe siame. Ede dzesie be dumevi siwo le Adaklu Tɔda kple Abutia sile Ho ɣetofoƒe nutoamea woawo hã woakpɔ gome le wɔna me.

Gomekpɔla aɖe siwo voltaonlinegh.com bia gbee le wɔna ƒe nuwuwua, kpɔ dzidzɔ kple ŋudzedze blibo le wɔna ŋuti.

Eŋlɔla: Shelter Gakpey/Voltaonlinegh.com

Related posts

Volta Hoteliers Support UHAS COVID-19 Testing centre

voltaonlinegh

NABCO Dɔwɔlawo Anye Gomekpɔla Gbatɔwo le Dziɖuɖu Dɔwɔƒewo

voltaonlinegh

Kpovitɔwo Be Yewo Mele Ɣleti Wuienyi Vi Aɖeke o

voltaonlinegh

Leave a Comment