Volta Online
Ewe Ewe News

Ɖekakpui Aɖe Si Wobui Be Enye Adzodala, Ɖe Eƒe Agbe Ɖa

Nutsotso aɖe si ɖo voltaonlinegh.com gbɔ tso Sogakɔƒea hiɖe go be, ɖekakpui aɖe si kpovitɔwo zidzi ɖe woɖokuiwo gbɔ ɖe alesi  wobu nazã ɖe eŋu be, enye adzodala ɖe eƒe agbe ɖa to kadeve me.

Ɖekakpuia si woɖe ŋkɔ nabe William Gbedze Tovor, amesi le eƒe ƒe blaeve vɔ adrẽlia mea, kpovitɔwo zidzi ɖe woɖokuiwo gbɔ he kplɔm υɔnu yimee le Sogakɔƒe nutoame ɖe adzodada ƒe nyavovo siwo wotsɔ ɖe eŋua ta.

Ke Kuɖagbe si woɖo hena υɔnu yiyi kpli akẽa, ƒe fɔfɔmɛe wotsɔ eƒe avɔtsɔtsɔ deka ve na eɖokui.

Kpovitɔwo ɖeme be gamenɔla siwo hã nɔ xɔme kplia woe kɔ todzi na kpovitɔwo le ga atɔ̃ kple afã me godzi kuɖe eƒe afɔɖeɖea ŋuti. Ebe enumakea, yewo yi ɖa ɖi le avɔme hetsɔe yiɖe Sogakɔƒe Comboni dɔyɔƒea me afimae wona yewo nya le be etrɔmegbe, ke woda eƒe ŋutilã ɖe kpeƒaƒa dzi hena edodokpɔ.

Emekɔ be Afɔfiɛe kpovitɔwo ƒe asidze ɖekakpui sia dzi ɖe alesi wovae ɖo tu ame etɔ̃ aɖewo dzi le Kudzekɔƒe hedadzo woa ŋuti ta.

Eŋlɔla: Shelter Gakpey/Voltaonlinegh.com

Related posts

Adaklutɔwo Kpɔ Gome Le Lãmesẽ Dodokpɔ  Me

voltaonlinegh

Dzoƒlɔla Ɖe Oti Nuto Xɔxɔ Te, Dr. Addeah,Trɔ Megbe

voltaonlinegh

Ame Eve Aɖewo Ƒe Agbewo Dɔ̃ Tsi υufɔku me le Asikuma mɔdzi

voltaonlinegh

Leave a Comment

%d bloggers like this: