Volta Online
Ewe Ewe News

‘Gas’ Zãlawo Tsi Tokotoko Me Le ‘Gas’ Dzralawo Ƒe Dɔwɔnuwo Dadaɖi Me

‘Gas’ dzralawo ƒe dɔmawɔmawɔ si wode tome le dukɔme godo kpeɖoa nabe gas zãla siwo le Hoa, wotsi tokotoko me elabe gas dzraƒe aɖeke mele dɔ wɔm le dua me o. Amesiwo zana gas le aƒeme kple le dɔwɔwɔme sia siwo yi hena edzedze le Dzoɖagbea, wodometɔ aɖeke metuŋu kpɔdze o.

Esi Voltaonlinegh.com ɖitsa le gas dzraƒe aɖe siwo le duame dzia, emekɔ be ɖeke menɔ dɔ wɔm o. ‘Gas’ dzraƒe aɖewo abe ‘Kings Gas, Top Gas, Petrobay kple Akoefe Gas’ hawo enea, nɔ tutu goŋgoŋ.

‘Ghana LPG Operators Association’ sinye dukɔme gas dzralawo ƒe habɔbɔ ye wɔ numadzramadzra ƒe gbeɖeɖe sia ɖe alesi dziɖuɖua du ɖoɖo yeye aɖe si woɖe ŋkɔ nabe Cylinder Re circulatiom Model dede tome ƒe nya ɖa.Wobe ɖoɖoa maɖe vi aɖeke na yewo o.

Wɔna sia gblẽ nu le taxi kula aɖewo hã ƒe dɔwɔwɔ ŋuti. Wodometɔ aɖewo ɖeme na voltaonlinegh.com be, taxi geɖewoa, gas ko zam yewo le ta woale ŋku ɖeŋu na yewo : bubu hã de dzesie be woƒe gas madzramadzra agblẽ nu geɖe le yewo ƒe gbesiagbe bolo kpɔkpɔ ŋuti.

Togbɔbe ele alea hã, Aƒetɔ Kateh Kumodzi, amesi nye habɔbɔa ƒe zimenɔla le Amugã nutoamea ɖeme be ɖoɖo ma agblẽ nu le yewoƒe dɔwɔna ŋuti. Le eƒe nyanua, gas dzraƒe blaadẽ vɔ eve siwo katã le Amugã nutoamea le megbe na yewo ƒe numadzramadzra ɖoɖoa goŋgoŋ vaseɖe sime yewoa se nya deamedzi aɖe tso dziɖuɖua gbɔ.

Eŋlɔla:Shelter Gakpey/Voltaonlinegh.com

Related posts

Bubutɔ Kpodo De Kpe Do Hena Ŋkuυuυui Sukuxɔ Tutu Ɖe Tanyigbe

voltaonlinegh

Agbledelawo ƒe Habɔbɔ Wɔ Ɖeɖefia Ku ɖe Amikuku le Keta ŊU

voltaonlinegh

Ɖekakpui Aɖe Si Wobui Be Enye Adzodala, Ɖe Eƒe Agbe Ɖa

voltaonlinegh

Leave a Comment