Volta Online
Ewe Ewe News

Dukɔme Lamesẽnyawo Dɔdzikpɔƒea Wɔ Tsaɖiɖi Tɔxɛ Aɖe Le Amuga Nutoame

Dukɔme lamesẽ nyawo dɔdzikpɔƒea wɔ ŋkeke etɔ̃ tsaɖiɖi tɔxɛe aɖe le Amuga nutoame hena ŋkulele ɖe nutoame ƒe lamese menɔnyawo ŋuti. Tsaɖiɖi sia nye ɖoɖo tɔxɛ aɖe si lamesẽnyawo dɔdzikpɔƒea de tome le dukɔme godoa ƒe akpaɖe. Dɔdzikpɔlawo wɔ mɔnukpɔkpɔa ŋudɔ tsɔ se nya aɖewo me tso dɔnɔwo kple dɔnɔdzikpɔlawo sia gbɔ. Kɔsiɖa ƒe dziŋu atɔ̃a ƒe ŋkeke

wuietɔ̃a gbee ɖoɖoawo dze egɔme kaka ɖo Blaɖa, ƒe dziŋu atɔ̃a ƒe ŋkeke wuiatɔ̃a gbe.

Gbãa, Lamesenyawo dɔdzikpɔla siwo Ɖɔkta Yao Yeboah, amesi nye woƒe nunɔla nɔ ŋgɔ̃ naa, wodogo Amuganutome Lamesenyawo dɔdzikpɔlawo hafi dze woƒe tsaɖiɖiwo gɔme.Amuga nutome lamesenyawo dɔdzikpɔla ƒe kpeɖeŋutɔ Ɖɔkta Ofori Yeboah, amesi kpɔa dumeviwo ƒe lamesemenɔnyawo dzia, kpe ɖe Ɖɔkta Yao Yeboah ŋuti  wonɔ ŋgɔ na wɔna bliboa.

Dɔdaƒe aɖe siwo tdaɖiɖia lɔ ɖe mea woe nye: Hohoe, Alavanyo Dzogbedze, Dzolo Gbɔgame dɔdaƒewo kpakple Amuga nutome dɔdaƒega. Kuxi aɖe siwo wotɔ asie na dɔdzikpɔlawoe nye: dɔnɔdzikpɔlawo ƒe agbɔmasɔmasɔ,mɔ aɖewo ƒe manyomanyo, dɔwɔnu veviẽ aɖewo makpɔmakpɔ kple bubuawo.

Ɖɔkta Yao Yeboah ɖeme be yewoa adze agbagba hena asitɔtrɔ le kuxiawo ŋuti kaba. Eyidzi hekafu Amuga nutome lamesenyawo dɔdzikɔlawo ɖe woƒe agbagbadzedzewo ta togbɔbe nukpekeame mawo ɖeto ɖe hã.

Kehã, eƒo koko na dɔnɔdzikɔlawo le nutoame be woana kadodo nyuie nanɔ woawo kple kɔdzidelawo domii ɣesiaɣi . Amuga nutoamee kpe nutome etɔ̃lia sime tsaɖiɖi sia fomevi eyidzi le.

Eŋlɔla: Shelter Gakpey/Voltaonlinegh.com

Related posts

Volta Hoteliers Support UHAS COVID-19 Testing centre

voltaonlinegh

Dzoƒlɔla Ɖe Oti Nuto Xɔxɔ Te, Dr. Addeah,Trɔ Megbe

voltaonlinegh

Adaklutɔwo Kpɔ Gome Le Lãmesẽ Dodokpɔ  Me

voltaonlinegh

Leave a Comment

%d bloggers like this: