Volta Online
Ewe

Sonrise Christian SHS Wɔ Dodo le Suku Kɔnu  na   Suku Nuwulawo

Sonrise Christian Senior High School (SHS)  si nye sekɛndri suku aɖe le Ho wɔ dodo suku kɔnu na suku nuwula alafa ɖeka kple blaeve vɔ atɔ̃ siwo wu sukua nu le ƒe sia me.

Ƒe sia me ƒe dodo le suku kɔnuae nye ewolia si sukua wɔ eye wozã mɔnukpɔkpɔa tsɔ υu lamesẽtakpɔƒe kpokploe aɖe hã nu hena zazã le sukua me.

Aƒetɔ Joseph Dzemesi, ame si nye sukua ƒe Amexɔnyawo Dzikpɔla de dzesie be sukua ƒe agbagbadzedze le nuwuwu dodokpɔ si nye WASSCE mea,  nabe yewo kpɔ mɔ hena gomekpɔkpɔ le dukɔa ƒe Dzɔdzɔmeŋutinunya kple Akɔŋta Hoυiυli si yia edzi le sekɛndri sukuviwo domea, me.

Eyi edzi hedoe ɖa be, elebe dziɖuɖua nadzi mɔnu aɖe hena kpekpeɖeŋu aɖe ƒomevi nana ɖokuisi sekɛndri sukuwo hã le dziɖuɖu ƒe sekɛndri sukudede femaxee ɖoɖo si woɖe ŋkɔ na be Free Senior High School Policy la te.

Dr. Ben Honyenugah, ame si nye Nunɔla ƒe Kpeɖeŋutɔ na Ho Technical University  (suku kɔkɔ) xlɔ̃nu dodolawo be kutrikuku koe  ateŋu akplɔwo  ƒe akpa sia kpae.

Ke ebe, ameɖokuikpɔkpɔ gbloe, aglãdzedze kple agbe madeamedzi bubuwo nɔnɔ la makplɔwo ayi ŋgɔe o.

Agbalẽnyala gã siwo katã nɔ wɔna teƒea xlɔ̃nu dodolawo ku ɖe alesi woalé bé na woɖokuiwo hena woƒe ŋgɔgbeyiyi le agbemea ŋuti.

Woɖe eme nawo be,  ne wonɔ agbe nyuiea, woƒe sukua agaxɔ ŋkɔ wu alesi wòle fifia.

Eŋlɔla: Shelter Gakpey/voltaonlinegh.com

Related posts

Aƒetɔ Woanyah Dze Eƒe Ŋugbedodowo dzi Wɔwɔ Gɔme na NPP tɔwo

Volta Online

Kpovitɔwo Be Yewo Mele Ɣleti Wuienyi Vi Aɖeke o

Volta Online

Ametsitsiwo ƒe Dɔmenyo Habɔbɔ Wɔ Lãmese Dodokpɔ na Amewo le Vakpo

Volta Online

Leave a Comment

%d bloggers like this: