Volta Online
Ewe Ewe News

Ame Ɖeka Trɔ Megbe, Bubu Xɔ Abi le Alavanyo

Nyatakakawo ɖee fia be ame manyamanya aɖe datu hewu ƒe 41 nyɔnu aɖe si ŋkɔe nye Rejoice Atta Yaw le Alavanyo Deme si le Hohoe Nutome.

Emekɔ ha be, ame bubu aɖe si nye ƒe 80 nyɔnu aɖea, xɔ tubi alebe wokɔe yi ɖe Margaret Marquart Hospital (dɔyɔƒea) me le Kpando hena gbedada le eŋu.

Le ameyinugbea ƒe akpa dzia, dzesidewo ɖee fia be aƒenɔa trɔ va aƒe me tso agble le Adzoɖa, dzinu atɔa ƒe ŋkeke wuienea gbe. Ke kasia wòabe yeaυu υɔtru age ɖe emea, tukpe lɔe xoxo alebe, wobu eƒe agbe.

Assembli-menɔla na akɔdaƒea, ɖee gblɔ be asrafowo kple kpovitɔwo ƒe habɔbɔ si woɖo anyi be woakpɔ dedienɔnɔnyawo dzi le Nkonya-Alavanyo nutowo mea, dze nugɔmekukuwo gɔme hena kekuku na nudzɔdzɔa.

Nutsotsowo fia be, togbɔ be habɔbɔ si  ku ɖe dedienɔnɔnyawo ŋu le tome ha, denugbledi aɖewo koko kpɔtɔ gale nugbegblẽwo wɔm le golɔguiawo me.

Le Kɔsiɖa si vayi me koa,  Dudɔwɔƒe si Kpɔa Dukɔme ƒe Dedienɔnɔnyawo dzi trɔ asi le se yi ku ɖe gaƒoƒo si ŋu se ɖe mɔ le be,  Nkonya-Alavanyo dumeviwo kpɔ mɔ anɔ ablɔdzi ŋu, si nye curfew, wòzu tso ŋdi ga ade yi fie ga ade.

Ke vɔvɔe nye be ku ɖe etsɔ nudzɔdzɔ sia ŋua, ɖewomahi dziɖuɖua agatrɔ susu ade se ɖe amewo ƒe ablɔdzinɔnɔ ŋu si asese wu esi le tome fifia.

Dzrehehe aɖe le Nkonya kple Alavanyo duwo dome anye ƒe nanewoe nye esi ku ɖe anyigbanyawo ŋu si wɔnɛ  be zi geɖea, akpawo kple evea, wɔa avu kple wonɔewo si wɔe be sedede ɖe ablɔdzinɔnɔ vaɖo gaƒoƒo aɖe koa, ɖo tome kple susu be wòatsi nenem nuwɔnawo ŋu gake ɖeko wòle abe sea ƒe dɔwɔƒe mevale dzedzem o ene.

Eŋlɔla: Bubune Bernice/voltaonlinegh.com

 

Related posts

Nufiãfiã Hehexɔlawo Woaŋlɔ Dodokpɔ Tɔxɛ Aɖe Hafi Axɔ Woƒe Ɖaseɖigbalẽwo

voltaonlinegh

Ketu  Muslimtɔwo Bia Dziɖuɖua Hena Gbedoɖaƒe Yeye

voltaonlinegh

Table Tennis Assoc. scouts for Players to Represent Volta at National Sports Festival

voltaonlinegh

Leave a Comment

%d bloggers like this: