Volta Online
Ewe Ewe News

Aƒetɔ Woanyah Dze Eƒe Ŋugbedodowo dzi Wɔwɔ Gɔme na NPP tɔwo

Amuga Nutome Zimenɔla na New Patriotic Party (NPP) dunyaheha, Makafui Kofi Woanyah de asi eƒe ŋugbedodowo dzi wɔwɔ gɔme le esime wòde abi anyigba ŋu le Chinderi hena NPP ɔfis tutu na Krachi Nchumuru Ametsa Nutoa.

Wɔna sia va dzi le Chinderi le Kɔsiɖa, dzinu atɔ̃lia ƒe ŋkeke wuietɔa gbe si nye “Dzila Nyɔnuwo ƒe Ŋkeke” le esime wòwɔ ɖeka kple NPP nyɔnuwo heɖo ŋku ŋkekea dzi tɔxeɛ. Ke eza mɔnukpɔkpɔa ŋudɔ hede kpe do na ɔfis la tutu kple susu be  dunyaheha ƒe dɔwɔnawo natsɔ afɔ nyuie le nutoa me.

Ena cement kotoku alɔfa ɖeka be woatsɔ adze dɔa gɔme eye wòdo ŋugbe be, yeawɔ nu ɖesiaɖe si hia, be dɔwɔna bliboa nawu enu le dzinu etɔwo ko domi.

Aƒetɔ Woanyah le dzinu enea mea, do ŋugbe be yeatu ɔfis na dunyaheha le ametsa nutowo kata me le Amuga nutoa me ahadzi lɔri kpe ɖe eŋu be woawɔ  woŋudɔ hena NPP ƒe ŋgɔgbeyiyyi le nutoa me.

Eɖe nya siawo gblɔ le esime wòde ŋkeke atɔ̃ ƒe akpedada tsaɖiɖi aɖe tome le ametsa nuto blaeve-vɔ-adeawo kata me na nutoa le eƒe dzidzemekpɔkpɔ bliblotɔ le Nutome-kametsiwo tsiatsia wɔna si va dzi le  dzinu enea ƒe ŋkeke blaeve-vɔ-ɖekɛa gbe le Hohoe, vɔ megbe.

Ke Zimenɔla ƒe afɔɖeɖe sia, do dzidzɔ na dunyahehamenɔla siwo le Krachi Nchumuru Nutoa me alegbegbe si wɔe be, wodo gbe ɖa na Mawu be, Wòale agbe ɖe ta nɛ ahakpɔ eta be wòateŋu awu dɔ nyui si gɔme wòdzea nu.

Dunyaheha ƒe Wɔnawo Dzikpɔla le Nutoa me,  Elikem Sewordor, Kpeɖeŋutɔ na Amewo Nuƒoƒula, Shelter Adjorlolo, Kpeɖeŋutɔ na Sɔhɛwo Nuƒoƒula, Emmanuel Quarshie kple Krachi East Nutome Zimenɔla, Amega Castro woenɔ luυɔ̃ me na Aƒetɔ Woanyah le wɔnawo me.

Eŋlɔla: Bubune Bernice/voltaonlinegh.com

Related posts

Ametsitsiwo ƒe Dɔmenyo Habɔbɔ Wɔ Lãmese Dodokpɔ na Amewo le Vakpo

voltaonlinegh

Sonrise Christian SHS Wɔ Dodo le Suku Kɔnu  na   Suku Nuwulawo

voltaonlinegh

Dukɔkplɔla ƒe Kpeɖeŋtɔ Dze Ramadan Tsaɖiɖi gɔme Le Amuga Nutoa me

voltaonlinegh

Leave a Comment