Volta Online
Ewe Ewe News News

Dzoƒlɔla Ɖe Oti Nuto Xɔxɔ Te, Dr. Addeah,Trɔ Megbe

Dr. Kwaku Addeah, Nuŋlɔla na Dɔwɔha aɖe si le tade na nuto yeye (Oti  Nuto) ɖeɖeɖa tso Amuga Nutoa me, si yɔm wole be, Joint Consultative Committee of Oti Movement, JCC of Oti Movement, kpuie koa,  trɔ megbe.
Nyatakaka si ɖo votaonlinegh.com gbɔa, ɖee fia be, Kwasiɖa, ƒe dziŋu atɔ̃a ƒe ŋkeke wuietɔ̃a gbee nya vɔ sia dzɔ le Korle Bu Dɔyɔƒe gã me le Gɛ̃.
Nuŋlɔɖi aɖe yi JCC dɔwɔha ƒe akametsiwo, si  Krachi nutome fiagã, Nana Mprah Busenuno II le zime  na, he ɖe goa, ɖo kpe edzi be,  Dr. Addeah yi tɔgbeawo gbɔ.
“Miele JCC dɔwɔha ƒe zimenɔla kple dɔwɔha-menɔlawo katã teƒe he nyanya nam fiawo kple dumevi siwo le Oti Region si ƒe boblo dom  miele mea,  be Wɔla  yɔ mía fo kple mía xɔ̃, Dr. Kwaku Addeah be wòava dzudzɔ le ye gbɔ.
Esi ku nya sia tu dɔwɔha-menɔlawo la, enumake wowɔ  takpekpe kpata aɖe heɖoe be yewoado afɔ na ameyinugbea ƒe ƒometɔwo ahafa kplewo.
Ke ameyinugbea ƒe ƒometɔwo xɔ ɖe edzi na dɔwɔha ƒe amedɔdɔawo be vavae, woƒe senyala kple nyanuɖela wɔnuteƒea trɔ megbe.
Gbedasia de dzesie hã be ƒomea ɖe mɔ be JCC dɔwɔha ƒe amedɔdɔ eve nanɔ kuɖoɖowɔlawo domi  hena ɖoɖo tɔxɛ wɔwɔ ɖe eɖoɖo ɖe tɔgbeawo gbɔ ŋuti.
Dr. Addeah le eƒe agbenɔɣia ku kutri geɖe hena Oti nutoa ɖeɖeɖa tso Volta Nutoa me ŋuti kple susu be dumevi siwo le akpa mawoa,  ŋgɔyiyidɔwo nnaɖowogbɔ.
Eƒe dzixɔsee nye be, woŋlɔ Volta Nutome ƒe gbegadzi kpa be le ŋgɔyiyidɔwo dede tomea me eyata, ehia vevie be yewoaυli be akpa ma nama ɖa  ahanɔ  eɖokui si abe nutome ene hena ŋgɔyigbeyidɔwo ƒe vava.
Edziedzi nenye be Dr. Addeah do ɖe nugɔmekuha na nutowo memama gbɔ hena nya aɖewo me ɖeɖea, etea gbe ɖe edzi be, nukpɔkpleŋku  geɖewo  li si ɖo kpe JCC dɔwɔha ƒe yɔyɔ dzi be elena nuto yeye, Oti Nutoa be woava eme godo.
Le eƒe nukpɔkpɔ nua, British yevuwo ƒe ɖoɖo aɖe si tsi tre ɖe ŋgɔyiyidɔ wɔwɔ ɖe Ghana dukɔa ƒe  dziehe kpawo dzi ŋua, kpɔtɔ gale tome kokoko si na be, dzogbe nuto etɔawoa, le nɔnɔme si me wole fifia alebe nenem ɖoɖo mae ɖe tsi de yewo hã le Amuga  Nutoa ƒe dziehe ha eyatae yewo le avu wɔm ɖo be eŋu nayi.
Ku ɖe nutowo memama ƒe nya nua, Dukplɔla Nana Akufo-Addo ɖo ame-asiekɛ nugɔmekuha aɖe si υɔnudrɔla, Justice Brobbey le zime na, anyi koŋ be wòade ŋku dumevi siwo na agbalē dziɖuɖua hewɔ yɔyɔ mawoa, ƒe nyawo me tsitotsito ahakpɔ ɖa nenye edze be woama nutoawo me loo alo medze o.

Eŋlɔla:Shelter Gakpey/Voltaonlinegh.com

Related posts

Parts of Volta, Oti Go off on Thursday

voltaonlinegh

[VIDEO] Volta Separatist Group Declares ‘Western Togoland’ Independence

voltaonlinegh

UHAS rusticates 14 Sandwich Students for Exams Cheating

voltaonlinegh

1 comment

Francis May 14, 2018 at 4:39 pm

Gud

Reply

Leave a Comment

%d bloggers like this: